काठमाडौं । नेपाल पशुपन्छी औषधि व्यवसायी संघ बागमती जिल्ला कार्यसमितिको अध्यक्षमा रत्नकुमार बडाल निर्विरोध निर्वाचित भएका छन् ।
संघको सातौं अधिवेशन तथा ३० औं स्थापना दिवसको अवसरमा शुक्रबार संघको नयाँ कार्यसमिति चयन भएको हो । अधिवेशनमा बडालको मात्र उम्मेदवारी परेपछि उनी निर्विरोध निर्वाचित भएका हुन् ।
त्यस्तै, संघको सचिवमा कृष्णबहादुर अधिकारी ‘रमेश’, सहसचिवमा रत्नकाजी प्रजापति, कोषाध्यक्षमा शरणकुमार खनाल, सदस्यमा नारायणप्रसाद अधिकारी, शम्भु पौडेल, सत्यभामा बडाल र ध्रुव थापा निर्विराेध निर्वाचित भएका छन् ।
त्यस्तै, सदस्यमा उम्मेद्वारी दिएका अजय थापाले उम्मेद्वारी फिर्ता लिएपछि पूरै कार्यसमिति निर्विरोध निर्वाचित भएको हो ।
