काठमाडौं । नेपाल पशुपन्छी औषधि व्यवसायी संघको शुभकामना आदानप्रदान कार्यक्रम मंगलबार सम्पन्न भएको छ ।
नेपालीहरूको महान् चाड बडा दशैं, तिहार एवं छठ पर्व २०७९ को अवसरमा संघको आयोजना र बागमती प्रदेश कार्यसमिति, बागमती जिल्ला शाखाको सहकार्यमा शुभकामना आदान प्रदान कार्यक्रम गरिएको हो ।
राजधानीको इन्द्रेणी स्विट्स होटल, नयाँबानेश्वरमा मंगलबार आयोजित कार्यक्रममा संघका अध्यक्ष पूर्णचन्द्र सापकोटा, पूर्वअध्यक्षहरू रेवतीरमण निरौला ‘रोहित’, भूपेन्द्रप्रसाद गौतम, चित्रबहादुर गुरुङलगायतको उपस्थिति थियो ।
नेपाल पशुपन्छी औषधि व्यवसायी संघ पशुपन्छी औषधि व्यवसायीहरूको छाता संगठन हो । संघले विगत वर्षमा पनि यस्तै प्रकृतिका शुभकामना आदानप्रदान गर्ने गरेको थियो । कोरोना महामारीका कारण अघिल्ला वर्ष प्रभावित कार्यक्रमलाई संघले यस वर्ष निरन्तरता दिएको हो ।
