भक्तपुर । भक्तपुरको चाँगु नारायण नगरपालिका–८ जितपुर स्थित एक कुखुरा फार्ममा आगलागी भएको छ ।
दीपक गिरिले सञ्चालन गरेको उक्त कुखुरा फार्ममा रहेको भुसे चुलोबाट टहरामा आगो सल्किएको थियो । गहुँको छ्वालीले छाएर निर्माण गरिएको सबै टहरा आगोले नष्ट भएको छ ।
आगलागीबाट फार्ममा रहेको २ हजार ७ सय प्यारेन्ट कुखुरा जलेर नष्ट भएको छ । आगलागीबाट झण्डै १५ लाख रुपैयाँ बराबरको क्षति भएको प्रारम्भिक अनुमान छ ।
