झापा– आइतबार साँझ पूर्वपश्चिम राजमार्गअन्तर्गत झापाको चारआली सडक खण्डमा मारुती भ्यान हात्तीसँग ठोकिदाँ दुई जना घाइते भएका छन् ।
पूर्वबाट पश्चिमतर्फतर्फ आउँदै गरेको मे १ च १७६३ नं. को मारुती भ्यान देउनिया खोलाछेउ हात्तीसँग ठोक्किएर अनियन्त्रित भई दुर्घटना भएको जिल्ला ट्राफिक कार्यालय झापाले जनाएको छ ।
हात्तीको सुँडमा गाडी ठोक्किएपछि अनियन्त्रित भएको उक्त भ्यान सडक किनारबाट करिब १० मिटर तल झरेको थियो ।
दुर्घटनामा परी भ्यान चालक बिर्तामोड ५ का ४९ वर्षीय नरप्रसाद घिमिरे र यात्रु सुजन बस्नेत घाइते भएका ट्राफिक प्रहरी कार्यालयले जनाएको छ ।
घाइते चालकको विर्तामोडको मनमोहन अस्पतालमा उपचार भैरहेको छ । यात्रुको अवस्था सामान्य रहेको प्रहरीले जनाएको छ ।
