काठमाडौं । नेपालमै पहिलो पटक अनलाइन ह्याचरी व्यवस्थापन तालिम आयोजना हुने भएको छ । राष्ट्रिय तथा अन्तर्राष्ट्रिय क्षेत्रमा ख्यातिप्राप्त पोल्ट्री ह्याचरी विशेषज्ञहरुले उक्त तालिममा प्रशिक्षण दिने भएका छन् । उक्त तालिम एक हप्तासम्म चल्ने भएको छ । नेपाल ह्याचरी उद्योग संघसँगको सहकार्यमा भेट नेपाल नामक एक अनलाइन पोर्टलले उक्त तालिमको आयोजना गर्न लागेको हो ।
भदौ ३१ देखि असोज ६ गतेसम्म सञ्चालन हुने तालिममा सहभागी हुनका लागि अनलाइन फारम भर्नुपर्ने बताइएको छ । अनलाइन फारम भर्नका लागि https://forms.gle/tQzwYJZyQ9Bq67BXA अनलाइनमा जानु पर्ने छ । तालिममा सहभाग हुन रजिष्ट्रेशन शुल्कबापत प्रतिसहभागी रु. २ हजार तिर्नुपर्ने जनाएकाे छ । काेभिड १९ का कारण निषेधाज्ञा जारी रहेकाेले अनलाइनबाटै शुल्क बुझाउने र तालिम समेत अनलार्इमार्फत नै हुने भएकाे हाे ।
तालिममा सहभागी हुनेहरुले भेट नेपाल अनलाइनको ई–सेवाबाट शुल्क बुझाउनु पर्ने हुन्छ । उक्त शुल्क बुझाएको भौचर ह्वाट्स एपमा अपलोड गर्नुपर्ने व्यवस्था गरिएकाे अायाेजकले जनाएकाे छ । कार्यक्रम समयतालिका प्राप्त गर्न https://vetnepal.com/article_d…/hatchery_management_training, विशेषज्ञ प्रशिक्षकहरू बारे बुझ्न https://vetnepal.com/article_d…/hatchery_management_training र अन्य जानकारीको लागि https://vetnepal.com/Training लिंकमा क्लिक गरेर जनकारी लिन सकिने अायाेजकका तर्फबाट डा. प्रकाश अधिकारीले बताएका छन् ।
