नुवाकोट । नेपाल पशुपन्छी औषधि व्यवसायी संघ त्रिशुली शाखाको कार्यसमितिको अध्यक्षमा रामचन्द्र नेपाल नर्वाचित भएका छन् । शनिवार नुवकोटमा सम्पन्न संघको पाँचौ जिल्ला अधिवेशनले नेपाललाई अध्यक्ष पदमा निर्वाचित गरेको हो । अधिवेशनले ११ सदस्यीय कार्यसमिति चयन गरेको छ ।
अधिवेशनले शाखा कार्यसमितिको उपाध्यक्षमा रामचन्द्र श्रेष्ठ लाई निर्विरोध निर्वाचित गरेको छ ।
त्यस्तै, सचिवमा नारायण श्रेष्ठ, सहसचिवमा हरी प्रसाद अधिकारी र कोषाध्यक्षमा रामक्मार ढकाललाई चयन गरेको छ । सदस्यहरुमा उमेश कुमार श्रेष्ठ, गोबिन्द प्रसाद नेपाल, इश्वर बहादुर राई, राजेन्द्र तिवारी र प्रतिभा थापा बडाल निर्वाचित गरेको छ ।
नवनिर्वाचित समितिका पदाधिकारीलाई कार्यक्रममा संघका केन्द्रीय उपाध्यक्ष, केन्द्रीय पदाधिकारीहरु, प्रदेश तथा जिल्ला कार्यसमितिका पदाधिकारी तथा व्यवसायीले प्रमाणपत्रसहित अविर र खादा ओढाएर सम्मान गरेका छन् ।
