काठमाडौं । नेपाल पशुपन्छी औषधी व्यवसायी संघले सामाजिक दूरी कायम गर्दै भेटघाट र बैठकहरुलाई निरन्तरता दिन भिडियो कन्फ्रेन्स सुरु गरेको छ ।
सरकारले कोभिड–१९ नियन्त्रणका लागि गरेको लकडाउनको पूर्ण पालना गर्दै भिडियो कन्फ्रेन्समार्फत बैठक तथा छलफल सुरु गरेको हो । लकडाउनले पशुपन्छी औषधी व्यवसायको क्षेत्रमा पारेको प्रभाव, पशुपन्छी औषधिको उत्पादन, आयात, आपूर्ति, वितरण, व्यवसायका समस्या जस्ता समसामयिक विषयमा भिडियो कन्फ्रेन्समार्फत छलफल सुरु गरेको संघका अध्यक्ष भूपेन्द्र गौतमले बताए ।
बिहीबारबाट सुरु भएको पहिलो भिडियो कन्फ्रेन्समा अध्यक्ष गौतमले संघका निवर्तमान र पूर्व अध्यक्षहरुसँग छलफल गरेको जनाएका छन् ।
